The Washington Post распавяла пра першую спробу ГРУ паўплываць на амерыканскіх палітыкаў

Ім разаслалі лісты ад імя "патрыётаў Украіны", піша Meduza.

Галоўнае ўпраўленне Генеральнага штабу ўзброеных сіл Расіі спрабавала паўплываць на пазіцыю амерыканскіх палітыкаў па ўкраінскім пытанні. Па дадзеных The Washington Post, у 2015 годзе 12 амерыканскіх сенатараў атрымалі аднолькавыя электронныя лісты, адпраўшчык якіх назваў сябе сябрам групы "Патрыёты Украіны". Ліст быў складзены на прымітыўнай ангельскай мове і ўтрымліваў заклік "выратаваць" Украіну. Сенатараў прасілі прыслаць "дасведчаных спецыялістаў ЗША і НАТА", якія б замянілі ўкраінскае вайсковае камандаванне для прамога кантролю над ўзброенымі сіламі Украіны.
За рассылкай лістоў стаяла адно з падраздзяленняў ГРУ — вайсковая частка №54777, альбо 72-гі асобны батальён спецыяльнай службы, які спецыялізуецца на вядзенні "псіхалагічнай вайны". Па іх словах, ГРУ пераследвала две мэты — дэмаралізаваць украінцаў і прымусіць амерыканскіх палітыкаў думаць, што ўкраінцы згубілі веру ў сваю армію.
Прытым 12 сенатараў, меркавана, былі абраныя проста па алфавіту. Аднак спроба аказалася непаспяховай, піша выданне. Ліст не паўплываў на пазіцыю кангрэсу.