У Кітаі пачалася масавая вакцынацыя супраць каронавіруса

У Кітаі дзясяткі тысяч чалавек ужо атрымалі прышчэпку ад Covid-19. Вакцынацыю праводзяць нягледзячы на тое, што бяспека і эфектыўнасць вакцыны пакуль не даказаная.

Так, асобы, прафесіі якіх належаць да «высокага рызыкі», маюць доступ да эксперыментальнай вакцыны супраць каронавіруснай інфекцыі з ліпеня. Кітайцы атрымліваюць эксперыментальную вакцыну, нягледзячы на не закрытыя пытанні адносна яе бяспекі і эфектыўнасці.

Па словах чальца Нацыянальнай камісіі аховы здароўя Кітая Чжэн Чжунвея, перад тым, як распачаць вакцынацыю, Кітай атрымаў «разуменне і падтрымку» Сусветнай арганізацыі аховы здароўя. «Некаторыя асобы, у прыватнасці тыя, якія належаць да прафесій “высокай рызыкі” (напрыклад, медыцынскі персанал), маюць доступ да вакцыны з 22 ліпеня. Падчас клінічных выпрабаванняў не было адзначана сур'ёзных пабочных эфектаў у выніку прымянення вакцыны», — распавёў Чжунвэй.

У сваю чаргу, незалежныя эксперты адзначылі, што вакцынаваць людзей да таго, як дзейснасць прэпарата будзе даказаная, — небяспечна.

У СААЗ заявілі, што Кітай выдаў «унутраны дазвол на экстранае выкарыстанне», які робіцца па меркаванні краін і не падпадае пад неабходнасць пацвярджэння СААЗ. А ў выкарыстанні медыцынскіх прэпаратаў у надзвычайных сітуацыях краіны маюць аўтаномію.

Паводле gazeta.ua