У Паўночнай Карэі чыноўнікаў пакаралі смерцю за «ілжывую інфармацыю»

У Паўночнай Карэі пакаралі смерцю пяцёх вышэйшых чыноўнікаў з-за таго, што яны падалі непраўдзівую інфармацыю, якая «раз'юшыла» лідара КНДР Кім Чэн Ына.

Пра гэта паведамляе выведвальнае агенцтва Паўднёвай Карэі, перадае Associated Press.
Паведамляецца, што пакараныя чыноўнікі ўваходзілі ў ведамства нядаўна звольненага кіраўніка ўпраўлення дзяржаўнай бяспекі КНДР Кім Вунь Хона. Не ўдакладняецца, якую менавіта ілжывую інфармацыю падавалі чыноўнікі. Пры гэтым Кім Вунь Хона звольнілі ў студзені, як мяркуецца, з-за карупцыі, злоўжыванні ўладай і катаванняў, якія ажыццяўляла яго ведамства. Магчыма, звальненне Кім Вунь Хона таксама было звязана з гэтай ілжывай інфармацыяй.
Раней у Паўднёвай Карэі заявілі, што забойства брата лідара КНДР Кім Чэн Ына Кім Чэн Нама арганізавалі супрацоўнікі міністэрства бяспекі і міністэрства замежных спраў Паўночнай Карэі.
Паводле rbc.ua