У Сірыі ад выбуху загінула 40 чалавек, сярод іх 11 дзяцей

Сама меней 40 мірных жыхароў, у тым ліку 11 дзяцей, загінулі 28 красавіка ў выніку выбуху аўтамабіля ў горадзе Афрыне на паўночным захадзе Сірыі, кантраляваным паўстанцамі, якіх падтрымлівае Турцыя. Пра гэта паведамляе «Радыё Свабода».

76958193_39f3_4c2d_9e21_36f19cd9e561_cx0_cy8_cw0_w1023_r1_s.jpg

Сірыйская абсерваторыя правоў чалавека заявіла, што забітых 46, хоць раней паведамлялася аб прыкладна 20 ахвярах. Акрамя таго, 50 чалавек атрымалі раненні, у многіх крытычны стан, што можа павялічыць лік смерцяў. Сярод загінулых не менш за 6 пратурэцкіх сірыйскіх байцоў.
Міністэрства абароны Турцыі раней абвінаваціла ў нападзе курдаў з «Атраду народнай абароны» (YPG), які Анкара лічыць тэрарыстычнай арганізацыяй.
Выбух адбыўся ў ажыўленым месцы ў цэнтры Афрыну. У Дзярждэпартаменце ЗША адзначылі, што бомба была закладзена, калі людзі рабілі пакупкі. ЗША асудзілі напад.
У асноўным курдскі анклаў Афрын узялі пад кантроль турэцкія вайскоўцы і саюзныя сірыйскія паўстанцы падчас наступу ў сакавіку 2018 году.
Падобныя выбухі аўтамабіляў мелі месца ў гэтым раёне і раней. Анкара часта абвінавачвае YPG у такіх нападах, у той час як апалчэнцы кажуць, што не выступаюць супраць цывільных.
svaboda.org