У Саудаўскай Аравіі зноў загінула больш за сотню вернікаў

У Саудаўскай Аравіі ў выніку цісканіны ў натоўпе паломнікаў загінулі прынамсі 150 чалавек. Яшчэ каля 400 атрымалі калецтвы, паведамляе саудаўская служба грамадзянскай абароны.



Цісканіна адбылася ў Міне, непадалёк ад Мекі, дзе паломнікі здзяйснялі апошнія абрады хаджу.
На месцы здарэння ідуць выратавальныя працы. Паведамляецца, што ў Меку прыбыло каля 2 мільёнаў паломнікаў. Нагадаем, нядаўна ў Мецы загінула больш за сто чалавек з-за падзення будаўнічага крана, знесенага моцным ветрам.
Паводле Бі-бі-сі