У Нямеччыне ўпершыню за 70 гадоў выдалі "Mein Kampf" Гітлера

Кніга Адольфа Гітлера "Mein Kampf" ("Мая барацьба") паступіла ў продаж у Нямеччыне ўпершыню з 1945 года.



Перавыданне Mein Kampf стала магчымым дзякуючы заканчэнню тэрміна аховы аўтарскіх правоў, якія раней належалі ўраду федэральнай зямлі Баварыя.

Апошнія 70 гадоў мясцовая ўлада катэгарычна адмаўлялася санкцыянаваць перавыданне працы.

Аднак з 1 студзеня 2016 правы на кнігі па законах Германіі перайшлі ў публічную ўласнасць.

Навуковую версію кнігі перавыдаў Інстытут найноўшай гісторыі ў Мюнхене. Педагогі плануюць выкарыстоўваць публікацыю на ўроках і лекцыях па гісторыі.

Тыраж склаў каля 4 тысяч асобнікаў. Выдаўцы сцвярджаюць, што мэтай перавыдання з'яўляецца развянчання нацысцкай прапаганды.

Публікацыя складаецца з двух тамоў. Акрамя арыгінальнага тэксту, яна ўтрымлівае шматлікія каментары і заўвагі, якія тлумачаць гістарычны кантэкст і демаскіруюць маніпуляцыі, да якіх звяртаўся Гітлер.

Mein Kampf, напісаная да прыходу Гітлера да ўлады ў 1933 годзе, была бэстсэлерам у гады нацысцкага рэжыму. У друку тады выйшла больш за 12 млн асобнікаў.

Прызнаючы ролю гэтай кнігі ў нацысцкай прапагандзе, сілы саюзнікаў перадалі аўтарскія правы на Mein Kampf рэгіянальнаму ўраду Баварыі ў 1946 годзе. У адрозненне ад свастыкі і іншых нацысцкіх сімвалаў, кніга ніколі не была забароненай.

Паводле: Белорусский партизан