Украіна. Пад Радай адбыліся сутыкненні
Раніцай 6 снежня пад Вярхоўнай Радай адбыліся сутыкненні. Падчас сутычкі выкарыстоўвалі газ. Украінскія праваахоўнікі шукалі Саакашвілі.
Сёння раніцай, 6 снежня, праваахоўнікі здзейснілі спробу выявіць і затрымаць экс-прэзідэнта Грузіі Міхаіла Саакашвілі ў лагеры каля Вярхоўнай Рады. Адбыліся сутыкненні.
Як адзначае Інтэрфакс-Украіна, да лагера ля Вярхоўнай Рады ў сераду каля 6.00 пад'ехала некалькі аўтобусаў з праваахоўнікамі. Некалькі дзясяткаў праваахоўнікаў калонай зайшлі на тэрыторыю лагера, дзе спрабавалі знайсці Саакашвілі.
З намётаў пачалі выходзіць людзі, што толькі прачнуліся. Адбыліся сутыкненні паміж паліцэйскімі і ўдзельнікамі акцыі. Праваахоўнікі ўжылі слёзатачывы газ.
Пасля непрацяглага знаходжання ў лагеры праваахоўнікі адступілі, пагрузіліся ў аўтобусы і ад'ехалі ад лагера.
У лагеры заяўляюць, што падчас сутыкненняў пацярпелі каля 10 чалавек.
Удзельнікі акцыі пад Вярхоўнай Радай працягваюць рабіць барыкады і заклікаюць кіяўлян прыйсці і падтрымаць акцыю.
Міхаіла Саакашвілі затрымалі яшчэ ў аўторак, 5 снежня, па падазрэнні ў садзейнічанні ўдзельнікам злачыннай арганізацыі і падтрымцы злачыннай дзейнасці.
Аднак актывісты зламалі дзверы ў мікрааўтобусе, у які сілавікі пасадзілі арыштаванага, і вызвалілі Саакашвілі.
Пасля свайго вызвалення Сааакашвілі з паплечнікамі накіраваўся да Вярхоўнай Рады, дзе зладзіў мітынг.
Паліцыя абвясціла ў вышук Саакашвілі.
Паводле Корреспондент.net
Фота www.pravda.com.ua