ЗША заявілі аб завяршэнні аперацыі супраць «Ісламскай дзяржавы» ў Іраку

Камандаванне аб'яднанай кааліцыі на чале з ЗША заявіла аб завяршэнні баявых аперацый супраць «Ісламскай дзяржавы» ў Іраку.

Паводле паведамлення Reuters, 30 красавіка падчас афіцыйнай цырымоніі ў Багдадзе быў закрыты штаб сухапутных войскаў у Іраку.

Узначальваемая ЗША кааліцыя заявіла, што яе адносіны з іракскімі ўзброенымі сіламі будуць развівацца «ад падтрымкі і садзейнічання баявых дзеянняў да навучання і развіцця самадастатковых магчымасцяў сіл бяспекі Ірака».

Частка амерыканскіх ваенных застанецца ў Іраку для трэніроўкі мясцовай арміі.