64-гадовая беларуска падняла БЧБ-сцяг над адной з найвышэйшых гор свету

Лілія Яноўская скарыла вышыню 8167 метраў, стаўшы ў свае 64 гады найстарэйшай жанчынай у свеце, якая здзейсніла такое ўзыходжанне. Дхаўлагіры — сёмая па вышыні гара ў свеце.

На гімалайскай вершыні Дхаўлагіры яны традыцыйна ўзняла бел-чырвона-белы сцяг.

«Цяжка паверыць, што мы скарылі гэтую дзіўную гару. Дхаўлагіры — сёмая па вышыні гара ў свеце. Пакуль гэта была адна з маіх найлепшых экспедыцый», — напісала альпіністка ў фэйсбуку.

Летась жанчына разам з дачкой узняла нацыянальны сцяг на найвышэйшую кропку свету — пік Эверэст.

Лілія Яноўская — з Мінска. Разам з сямʼёй напрыканцы 1990-х пераехала ў Канаду. Цяпер жыве ў Таронта. Па адукацыі яна матэматык і эканаміст. Больш за 20 гадоў працавала «ў прыватным бізнесе па паркетнай вытворчасці». Тры гады таму жанчына вырашыла змяніць сваё жыццё і прысвяціць асноўны час таму, што горача любіць, — альпінізму і скалалажанню.

Усяго ў свеце 14 гор, вышэйшых за 8000 метраў.

Паводле «Наша Ніва»