СМІ: Патрыярх Кірыл быў шпіёнам КДБ у Швейцарыі

Сталі вядомыя падрабязкі аб шпіёнскім мінулым кіраўніка Рускай праваслаўнай царквы (РПЦ) патрыярха Кірыла, які выконваў заданні КДБ падчас свайго прадстаўніцтва пры Сусветнай радзе цэркваў у 1970-я гады.
Фота: Юры Качаткоў (Keystone)

Фота: Юры Качаткоў (Keystone)

Як гаворыцца ў артыкуле SonntagsZeitung, гаворка ідзе аб перыядзе 1970-х гадоў. Выданне спасылаецца на рассакрэчаныя архівы аб дзейнасці кіраўніка РПЦ, якія сведчаць, што Кірыл займаўся ў Жэневе шпіёнскай дзейнасцю. Ён працаваў на КДБ пад прыкрыццём.

Паведамляецца, што патрыярх аказваў уплыў на Сусветную раду цэркваў у інтарэсах СССР.

Пры гэтым у РПЦ такія факты аб мінулым Кірыла каментаваць не захацелі, а амбасада РФ у Швейцарыі назвала артыкул «прыкладам русафобіі».

Сувязь расійскага патрыярха Кірыла з КДБ

Раней былы разведчык і афіцэр КДБ Сяргей Жырноў пацвердзіў, што Кірыл быў агентам КДБ і ФСБ. Ён узгадаў, як патрыярх паехаў прадстаўляць РПЦ МП у Жэневу і правёў там ажно два гады. На яго думку, усе епархіі РПЦ за мяжой — гэта рэзідэнтуры.
Кіраўнік РПЦ — адзін з найбагацейшых алігархаў Расіі. Яшчэ ў 90-х гадах ён зарабляў на імпарце тытунёвых і алкагольных вырабаў, за што яго празвалі «тытунёвы мітрапаліт».

Цяпер ён працягвае актыўна супрацоўнічаць з расійскімі спецслужбамі і навязвае расійскаму грамадству прапаганду Крамля, падтрымліваючы Маскву ў вайне супраць Украіны. Так, нядаўна кіраўнік РПЦ заявіў, што
«імкненне захаваць жыццё — чужая Расіі ілжывая каштоўнасць»
.
Таксама ён казаў, што ўсялякае жаданне знішчыць Расію будзе азначаць канец свету, і што «Госпад не пакіне прэзідэнта РФ».


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: