«Баранавічыдрэў» нацыяналізавалі
35,1% статутнага фонду прадпрыемства перададзены ва ўласнасць дзяржавы.
Урад Беларусі прыняў пастанову № 67 ад 24 студзеня 2014 года, сутнасць якой зводзіцца да нацыяналізацыі ААТ «Баранавічыдрэў».
«Прыняць бязвыплатна ў 2014 годзе ў рэспубліканскую ўласнасць 5810 простых (звычайных) акцый ААТ «Баранавічыдрэў», якія знаходзяцца ў гаспадарчым вядзенні
вытворча-гандлёвага прыватнага ўнітарнага прадпрыемства «Іван», і 16 876 простых (звычайных) акцый названага ААТ, якія знаходзяцца ва ўласнасці закрытага акцыянернага таварыства
«Белцяжмаш», намінальным коштам 1600 рублёў на агульную суму 36 297 600 рублёў», - гаворыцца ў дакуменце.
Тыя 16 з лішнім адсоткаў акцый, якія засталіся, знаходзяцца ва ўласнасці фізічных асоб.
У пастанове Саўміна адсутнічаюць указанні на прычыны бязвыплатнай канфіскацыі акцый у цяперашніх уладальнікаў, аднак дадзенае рашэнне ўладаў цалкам адпавядае бягучым тэндэнцыям па аднаўленні
«уладальніцкай справядлівасці».