Беларускія прамыслоўцы запазычылі банкам больш за 22 мільярды рублёў

Нацыянальны банк Беларусі абнавіў статыстыку наконт крэдытнай запазычанасці кампаній апрацоўчай прамысловасці.

Галоўных даўжнікоў краіны ў гэтай галіне назваў сайт banki24.by.

На 1 студзеня 2022-га арганізацыі апрацоўчай прамысловасці былі вінаватыя па крэдытах ва ўсіх валютах 22,2 мільярды рублёў у эквіваленце. За 12 месяцаў памер абавязацельстваў скараціўся на 3%.

Запазычанасць па крэдытах бывае кароткатэрміновай і доўгатэрміновай. У першым выпадку гэта крэдыты з рэшткавым тэрмінам пагашэння менш за год, у другім — больш за год. На справаздачную дату кароткатэрміновая запазычанасць прамыслоўцаў перад банкамі склала 10,8 мільярда рублёў у эквіваленце, доўгатэрміновая — 11,4 мільярды рублёў.

Сярод галін найбуйнейшыя даўгі назапасіла харчовая прамысловасць — 5,086 млрд BYN у эквіваленце. Таксама значныя запазычанасці на справаздачную дату мелі хімічная прамысловасць (2,787 млрд BYN), вытворцы неметалічных мінеральных прадуктаў (2,451 млрд BYN), нафтаперапрацоўка (2,321 млрд BYN) і машынабудаванне (2,171 млрд BYN).