«Чарговы фэйк» — Нацбанк пра пераход на адзіную валюту з Расіяй
У Нацыянальным банку Беларусі пракаментавалі публікацыі ў тэлеграм-каналах наконт актыўнай працы над дарожнай картай аб адзінай валюце Беларусі і Расіі.
Фота: Myfin.by
«Чарговы фэйк, які не мае нічога агульнага з рэчаіснасцю», — так заявілі агенцтву «Інтэрфакс-Захад» у прэс-службе Нацыянальнага банка наконт пераходу на адзіную валюту з Расіяй.
У чацвер на телеграм-канале Народнага антыкрызіснага кіравання паведамілі са спасылкай на свае "абсалютна надзейныя крыніцы" ў Нацбанку, што ў Беларусі ідзе актыўная праца над дарожнай картай дзеля пераходу на расійскую валюты.
Днямі, трэба сказаць, на тэму інтэграцыі і адзінай валюты выказаўся намеснік кіраўніка Савета бяспекі РФ Дзмітрый Мядзведзеў. Ён заявіў, што трэба рэалізоўваць увесь патэнцыял саюзнай дамовы, аж да адзінай валюты.
У сувязі з гэтым у каментары Myfin.by фінансавы кансультант Міхаіл Грачоў адзначыў, што, на яго думку, у агляднай будучыні з вялікай доляй верагоднасці пытанне аб адзінай валюце (пад якой намеснік старшыні Савета бяспекі Расіі, хутчэй за ўсё, мае на ўвазе расійскі рубель) у рамках Саюзнай дзяржавы наогул падымацца не будзе.
Паводле Myfin.by