Еўразійскі банк пералічыў 500 мільёнаў. Ці хопіць гэтага Лукашэнку

Еўразійскі банк развіцця пералічыў Беларусі крэдыт на 500 мільёнаў долараў. Гэта сродкі Еўразійскага фонду стабілізацыі і развіцця, паведамляе ТАСС.

Падкрэсліваецца, што яны прадастаўляюцца нашай краіне на тэрмін да 10 гадоў ("з льготным перыядам да пяці гадоў пад плавачую працэнтную стаўку").
Пра крэдыт Аляксандр Лукашэнка дамовіўся з Уладзімірам Пуціным падчас сустрэчы ў Сочы ў верасні. Яго агульная сума — 1,5 млрд долараў. Аднак гэтыя крэдытныя сродкі Беларусі можа атрымаць цалкам толькі ў наступным годзе.
Аднак, наўрад ці гэтых грошай хопіць, каб выратаваць сітуацыю ў эканоміцы. Не хопіць іх і, каб утрымліваць такую колькасць сілавікоў на вуліцах. Пры самых апытмістычных прагнозах, гэтых грошай можа хапіцьмаксімум на месяц.