Фініш мадэрнізацыі: «Баранавічыдрэў» перадаюць прыватнаму інвестару

Падрыхтаваны праект указа прэзідэнта аб адчужэнні ААТ «Баранавічыдрэў» прыватнаму інвестару.



Раней прадпрыемства спецыялізавалася на вытворчасці сталярных і габлявана-паганажных вырабаў для будаўнічай галіны. Аднак цяпер выпуск прадукцыі на прадпрыемстве спынены, яно знаходзіцца ў стадыі санацыі.

Паводле слоў прэм’ер-міністра Міхаіла Мясніковіча, інвестар досыць актыўна тут працуе, вядзе мантаж сучаснага абсталявання для вытворчасці экспартна арыентаванай прадукцыі, у тым ліку зборных шчытавых хатак, мэблевых фасадаў.

Адгрузка на экспарт прадпрыемствам ўжо вядзецца. Мясніковіч адзначыў, што пасля «гэта будзе дастаткова канкурэнтаздольнае прадпрыемства, якое будзе ўносіць дастойны ўклад у развіццё эканомікі рэгіёну», піша БелаПАН.