Кампаніі ПВТ заплацілі рэкордныя падаходныя падаткі. Чаму гэта кепска?

Кампаніі ПВТ за другі квартал года заплацілі 200 мільёнаў рублёў падаходнага падатку — гэта амаль на траціну больш, чым за першыя тры месяцы

200 мільёнаў рублёў падаходнага падатку — гэта абсалютны рэкорд, піша тэлеграм-канал «Эканоміка Беларусі».

А цяпер крыху матэматыкі:

Падатак на даход спецыялістаў кампаній-рэзідэнтаў Парку высокіх тэхналогій быў узняты на 40%, а рост паступленняў склаў каля 30%.

З простага супастаўлення прыведзеных вышэй лічбаў вынікае, што дзелавая актыўнасць у ПВТ значна скарацілася.