Колькі літраў бензіну можа набыць беларус на сярэдні заробак?

Беларусь на 25-м месцы ў рэйтынгу з 32 краін Еўропы па даступнасці бензіну для насельніцтва, паведамляе onliner.by.

Апрылюднены рэйтынг краін Еўропы па даступнасці бензіну для насельніцтва. Яго падрыхтавала агенцтва РІА «Навіны».

Атрымліваецца, што максімальную колькасць бензіну на сярэдні заробак можна набыць у Люксембургу, дзе паліва каштуе адносна няшмат, а даходы насельніцтва адны з самых высокіх у Еўропе. Найменш бензіну могуць набыць ва Украіне. Беларусь заняла 25-е месца ў спісе з 32 краін.

За аснову былі ўзятыя статыстычныя звесткі Еўракамісіі, статкамітэтаў краін і іх рэгулюючых органаў. Цэны на паліва прыведзены па стане на сярэдзіну студзеня 2022 года (па Украіне і Казахстане — па выніках снежня 2021 года, па Нарвегіі — па выніках лістапада 2021 года).

У пяцёрцы краін з самым высокім аб'ёмам бензіну, які можна набыць на сярэдні заробак, Люксембург (2329,9 літра), Нарвегія (2148,8), Аўстралія (1944,6), Вялікабрытанія (1845,3), Данія (1758,0).

Прычым самае дарагое паліва — у Нідэрландах, Фінляндыі і Даніі. Самае таннае — у Казахстане, Расіі і Беларусі.

Беларусь — на 25-м месцы па колькасці літраў, што можна набыць на сярэдні заробак, — 611,6 літра. Апошняе месца — ва Украіны (384,4 літра)