Мінпрацы: у Беларусі вакансій у 2,7 разы больш за беспрацоўных

На 1 траўня ў Беларусі колькасць вакансій, зыходзячы з заявак наймальнікаў у службу занятасці, перавысіла 69,4 тыс. (на 17,6% больш, чым год таму).



Пры гэтым на 1 траўня на ўліку па беспрацоўі ў службе занятасці было 25,8 тыс. чалавек (на 15,7% менш, чым год таму), паведамілі ва ўпраўленні палітыкі занятасці Міністэрства працы і сацыяльнай абароны.

Ва ўсіх абласцях краіны колькасць вакансій у 1,5-3 разы перавышае колькасць беспрацоўных, а ў Мінску — у 13,6 разу (1,9 тыс. беспрацоўных супраць 26 тыс. свабодных працоўных месцаў), перадае БелТА.



Пры гэтым значна вырас прапанаваны ўзровень зарплаты, хаця структура попыту на працоўную сілу істотна не змянілася: 79% прапаноў аб працаўладкаванні для рабочых.
 


У мінпрацы адзначылі, што каэфіцыент напружанасці на рынку працы пастаянна зніжаецца. Так, магчымасць умоўнага працаўладкавання на вакансіі складае на 1 траўня гэтага года 269%, на 1 траўня 2012 года — 192,8%.

telegraf.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: