Прызначаны новы кіраўнік прадстаўніцтва Сусветнага банка ў Беларусі

Алекс Крэмер прызначаны новым кіраўніком прадстаўніцтва Сусветнага банка ў Беларусі.

Сёння новы кіраўнік прадстаўніцтва сустрэўся з першым віцэ-прэм'ерам Беларусі Васілём Мацюшэўскім, а таксама міністрам эканомікі Уладзімірам Зіноўскім. Прадставіла Алекса Крэмера рэгіянальны дырэктар Сусветнага банка па Беларусі, Малдове і Украіне Сату Кахканен.

Раней Алекс Крэмер узначальваў прадстаўніцтва Сусветнага банка ў Малдове, Кыргызскай Рэспубліцы і Туркменістане.

Як растлумачылі ў Мінэканомікі, падчас сённяшняй сустрэчы Уладзімір Зіноўскі павіншаваў Алекса Крэмера з прызначэннем на новую пасаду, а таксама падзякаваў Сусветнаму банку за фінансавую падтрымку і арыентаванасць праектаў банка на вырашэнне найбольш актуальных задач эканамічнага развіцця і паляпшэння якасці жыцця насельніцтва Беларусі.

Падчас сустрэчы былі абмеркаваныя пытанні рэалізацыі бягучых інвестыцыйных і кансультацыйных праектаў Сусветнага банка ў Беларусі і прыярытэтных напрамкаў узаемадзеяння ў рамках падрыхтоўкі новай стратэгіі партнёрства Групы Сусветнага банка з Беларуссю на 2018-2021 фінансавыя гады.

За ўвесь перыяд супрацоўніцтва (1992-2017) Сусветны банк інвеставаў больш за $ 1,6 млрд у шэраг значных інфраструктурных і сацыяльных праектаў у Беларусі. Дзеючы партфель банка ў рэспубліцы ўключае ў сябе 8 праектаў з прыцягненнем крэдытных рэсурсаў на суму $ 930,7 мільёнаў даляраў і 3 праекты з прыцягненнем грантавых рэсурсаў на суму $ 7,7 млн.


Паводле  tut.by