У Беларусі, 40% плошчы якой займаюць лясы, узніклі праблемы з дровамі

Пасля ўвядзення еўрапейскіх санкцый супраць расійскіх энерганосьбітаў беларускія афіцыйныя СМІ кінуліся распавядаць, як будуць замярзаць жыхары заходніх краін. Аднак праблемы з ацяпленнем чакаюць саміх беларусаў.


Афіцыйная Федэрацыя прафсаюзаў Беларусі паведамляе, што ў краіне ёсць праблемы з дровамі.

Жыхары прыватных дамоў скардзяцца, што чэргі на закуп дроваў расцягваюцца на чатыры месяцы. Між тым прыватнікі прадаюць тавар у некалькі разоў даражэй, піша Еўрарадыё.

Так, у адным з лясгасаў недалёка ад Мінска кажуць, што бярозавыя дровы не прывязуць раней за кастрычнік (на календары чэрвень!). Але пакупніку прапанавалі бярвёны даўжынёй па чатыры метры і не з бярозы. У іншым разе рэкамендуюць паглядзець прыватныя аб'явы.

У іншых раёнах краіны таксама называюць тэрмін у чатыры месяцы.

Намінальна дровы каштуюць 40-50 рублёў за кубаметр (норма на зіму 4,9 кубаметра). А ў прыватных абвестках кошт бярозавых дроваў даходзіць да 150 рублёў, прычым яны не заўсёды ёсць у наяўнасці. Можна купіць пяць кубаметраў за 450 рублёў, але пры гэты не гарантуецца тып дроваў.

Згодна з даручэннем Лукашэнкі ФПБ маніторыць кошты. Нядаўна яна паведамляла пра рэзкі рост коштаў на прадукты з пачатку года.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: