У Беларусі перасталі працаваць карты «Mastercard» ад некаторых банкаў

«Альфа-Банк» паведаміў пра збой у сваім тэлеграм-канале. Таксама праблемы ўзніклі з карткамі «Прыёрбанка» і «МТБанка».

Часова картамі MC нельга заплаціць у беларускіх крамах, таксама нельга здзейсніць перавод з/на карту іншага банка праз сэрвіс «Альфа-банка».
 У той жа час з картамі «Visa» ад «Альфа-Банка» ўсё ў парадку. Таксама можна здымаць наяўныя з карт «Mastercard» у прыладах «Альфа-Банка».
Каманда банка працуе над устараненнем збою, просіць прабачэння за нязручнасці і абяцае дадаткова паведаміць пра выпраўленні.