У Даніі з'явіцца першы ў свеце пасол лічбавых тэхналогій

IT-дыпламат будзе кантактаваць з такімі буйнымі кампаніямі, як Apple, Google і Microsoft.

Пасаду пасла па лічбавым тэхналогіям збіраюцца заснаваць у Даніі. Пра гэта паведаміў міністр замежных спраў краіны Андэрс Самуэльсен, паведамляе ТАСС.
«Мы павінны мець цесныя стасункі з некаторымі з кампаній, якія ўплываюць на нас», — сказаў ён.
Данія стане першай краінай, дзе з'явіцца дыпламат, які будзе займацца кампутарнымі тэхналогіямі. Хутчэй за ўсё, у яго абавязкі будзе ўваходзіць пастаянны кантакт з такімі буйнымі кампаніямі, як Apple, Google і Microsoft, якія аказваюць істотны ўплыў ва ўсім свеце на жыццё сучасных людзей і рынак працы.
Дату ўвядзення пасады новага пасла пакуль у Капенгагене не прызначылі.
У 2015 годзе Данія была прызнаная, згодна з індэксам развіцця IT-тэхналогій, самай перадавой краінай у Еўразвязе ў лічбавых паказчыках. Асабліва высокіх паказчыкаў Данія дамаглася тады ў шырокім выкарыстанні лічбавых тэхналогій пры зносінах адміністрацыі з насельніцтвам.
Паводле Хартыі'97