У Маладэчанскім раёне прадаецца старадаўні вадзяны млын

Закінуты вадзяны млын з Гарадка, які з'яўляецца адной з самых вядомых славутасцяў Маладзечанскага раёна, выставілі на продаж.

Будынак быў пабудаваны ў 1875 годзе і з'яўляецца помнікам прамысловай архітэктуры з элементамі неаготыкі.
Млын быў спраектаваны Аўраамам Бергерам і ўяўляе сабой цэлы комплекс збудаванняў, у які ўваходзілі сам млын, мост, дамба, гаспадарчыя прыбудовы. У апісанні гаворыцца, што чатырохузроўневы будынак можна пераабсталяваць у аграсядзібу, гатэль або ў гідраэлектрастанцыю «з сур’ёзным прыбыткам».
Зараз за яго просяць 55 тысяч даляраў.
nn.by