Заўтра Белнафтахім павысіць цэны на АЗС на 1 капейку

Канцэрн Белнафтахім з 21 студзеня 2021 года павышае цэны на бензін і дызпаліва на АЗС на 1 капейку.


З 21 студзеня 2021 года рознічныя цэны на маторнае паліва на АЗС змяняюцца і складуць: на АІ-92-К5-Еўра — 1,71 руб., АІ-95-К5-Еўра — 1,81 руб., АІ-98-К5-Еўра — 2,03 руб., ДП — 1,81 руб, , гаворыцца ў паведамленні на сайце ведамства, якое цытуе АФН.

«У студзені 2021 года адзначаецца значны рост кошту нафты на сусветным рынку. Сярэдняя каціроўка нафты маркі Brent склала 54,3 долара ЗША за барэль і ўзрасла ў параўнанні са снежаньскім узроўнем каціровак на 9%, у параўнанні з сярэднегадавым узроўнем 2020 года — на 30%. З улікам змены знешніх фактараў у студзені бягучага года кошт нафты, якая закупляецца беларускімі НПЗ, узрасла да снежня на 11 працэнтаў», — тлумачыць канцэрн рашэнне аб павышэнні коштаў.

«У мэтах забеспячэння ўстойлівай працы НПЗ і недапушчэння рэзкіх ваганняў кошту паліва на ўнутраным рынку канцэрнам прынята рашэнне ў студзені працягнуць цэнавую стратэгію па індэксацыі ўзроўню гранічных максімальных цэн на нафтапрадукты штотыдзень не больш чым на 1 капейку. Цэны ў рэспубліцы застаюцца на 22-51 адсоткі ніжэй, чым у суседніх еўрапейскіх дзяржавах і вышэй рознічных цэн Расійскай Федэрацыі на 8-10 адсоткаў», — сказана ў паведамленні.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: