ЗВР абрынуліся ніжэй за псіхалагічны ўзровень $5 мільярдаў

Золатавалютныя рэзервы Беларусі ў студзені страцілі $334,4 млн. пасля $760 млн. зніжэння ў снежні мінулага года і такім чынам апусціліся ніжэй псіхалагічнага ўзроўню 5 млрд. долараў.



На 1 лютага 2015 склалі 4724,7 млн. долараў, паведамляе Нацыянальны статыстычны камітэт РБ.
Яшчэ на 1 студзеня 2015 ЗВР ацэньваліся ў 5,059 млрд. даляраў, на 1 студзеня 2014 гады — 6,651 млрд. долараў.
Прычынамі далейшага зніжэння ЗВР у студзені сталі прынятыя ў снежні захады ўладаў па стабілізацыі сітуацыі на валютным рынку, што не паддаюцца прагматычнаму разуменню. Гэткія захады павялічылі і без таго ажыятажны попыт на валюту, якая працягвала скупацца ва ўмовах ейнага дэфіцыту, адсутнасць крыніц замежных і ўнутраных (у дастатковым аб'ёме) валютных запазычанняў на фоне прыкметных расходаў у абслугоўванні замежнай дзяржзапазычанасці.
Можна канстатаваць, што некалькі разоў выпраўленыя і скарэкціраваныя захады ўладаў практычна нічога не далі, а валютны ажыятаж прыціх толькі за кошт таго, што ў большай частцы насельніцтва папросту скончыліся свабодныя грошы.
У складзе ЗВР рэзервовыя актывы ў замежнай валюце на 1 лютага 2015 года склалі 2509,3 млн. долараў ЗША, знізіўшыся на 373,5 млн. долараў ЗША за студзень 2015 года. Манетарнае золата вырасла на 43,6 млн. долараў ЗША да 1680,7 млн долараў ЗША. Іншыя актывы выраслі на 10,0 млн. долораў да 10,5 млн. долораў ЗША на 1 лютага. Спецыяльныя правы запазычання МВФ знізіліся на 14,5 млн. долораў ЗША і склалі 524,2 млн. долораў ЗША на 1 лютага 2015 года.
Узровень ЗВР у 5 млрд. долараў з'яўляецца свайго роду Рубіконам для беларускіх уладаў, ніжэй якога не варта падаць праз шэраг прычын: забеспячэнне так званай бяспекі, а таксама патрабаванне таго ж АКФ ЕўрАзЭС, апошні транш крэдыту якога на суму 440 млн. долараў беларускія ўлады па-ранейшаму хацелі б атрымаць.
afn.by