Абвешчаны прысуд камандзіру роты і прапаршчыку з Печаў

У пятніцу, 19 кастрычніка, Мінскі абласны суд вынес абвінаваўчы прысуд камандзіру роты Паўлу Сукавенка і прапаршчыку Артуру Вірбалу. Іх прызналі вінаватымі па ч. 1, ч. 2 арт. 455 КК (Злоўжыванне ўладай, перавышэнне ўлады альбо бяздзейнасць улады).

Фота: Вадзім Заміроўскі, TUT.BY

Фота: Вадзім Заміроўскі, TUT.BY

Мінскі абласны суд прызнаў фігурантаў вінаватымі і прысудзіў камандзіра роты Паўла Сукавенка да 6 гадоў пазбаўлення волі ў калоніі ўзмоцненага рэжыму, прапаршчыка Артура Вірбала — да 4 гадоў. Яны будуць пазбаўленыя воінскіх званняў.
Сукавенка, пачуўшы прысуд, закрыў вочы. Па выразе твара Вірбала было зразумела, што ён не чакаў такога суровага пакарання. Ён цяжка ўздыхнуў і нешта ціха сказаў, піша tut.by.
На абвяшчэнне прысуду прыйшлі вайскоўцы ў форме, а вось пацярпелых не было.
Па словах адваката Сукавенкі Аляксандра Галіева, ёсць высокая верагоднасць, што яны будуць абскарджваць прысуд.
Разгляд справы па нестатутных адносінах у Печах пачаўся 1 кастрычніка, гэтая крымінальная справа з'явілася пасля гібелі Аляксандра Коржыча, але да смерці радавога, па версіі следства, не мае дачынення. На лаве падсудных — 24-гадовы камандзір вучэбна-танкавай роты Павел Сукавенка і 25-гадовы прапаршчык Артур Вірбал.
Сярод 7 пацярпелых — сяржанты Яўген Бараноўскі, Ягор Скуратовіч і Антон Вяжевич. У залу ў кайданках іх дастаўлялі канваіры. Маладых людзей ужо трэці месяц судзяць за давядзенне да самагубства Аляксандра Коржыча. Дарэчы, самі пацярпелыя сябе такімі не лічаць і прасілі суд не караць строга абвінавачаных.
Па версіі следства, Павел Сукавенка прысвоіў сабе 64 рублі 29 капеек, якія належалі іншым вайскоўцам. Патрабаваў у падначаленых распушчальную каву і сасіскі ў цесце. А таксама ўжываў да салдат фізічную сілу: біў драўлянай палкай. Артура Вірбала абвінавацілі ў тым, што ён прымушаў вайскоўцаў адціскацца, а таксама ўжываў фізічную сілу.
Прысуд не ўступіў у законную сілу і можа быць абскарджаны.