Adukacyja.info праводзіць на АДУфэст

АДУфэст збірае паспяховых беларускіх выпускнікоў, якія атрымалі выдатную адукацыю і замежны досвед.



Каманда Adukacyja.info запрашае на АДУфэст - штогадовы адукацыйны фестываль для беларускай моладзі з усяго свету!
 

Фэст мае мотта “Навучаючы вучымся” і збірае паспяховых беларускіх выпускнікоў, якія атрымалі выдатную адукацыю і замежны досвед, з’яўляюцца перспектыўнымі спецыялістамі ў сваіх прафесіях, а таксама маюць жаданне і сілы, каб паляпшаць грамадства і жыццё ў Беларусі.
 

Умовай удзелу ў АДУфэсце з’яўляецца правядзенне аўтарскага інтэрактыўнага варкшопу на вольную тэму, а таксама жаданне актыўна ўдзельнічаць у майстар-класах, прапанаваных іншымі выпускнікамі. Праз абмен думкамі падчас варкшопаў удзельнікі маюць магчымасць спасцігнуць новае, паглыбіць свае веды ў розных галінах і ўдасканаліць навыкі працы з людзьмі.
 

Мерапрыемства адбудзецца 25-27 сакавіка 2016 г. у Літве. Удзел у АДУфэсце бясплатны, арганізатары забяспечваюць пражыванне і харчаванне, а таксама аказваюць дапамогу ў атрыманні візы.
 

Дэдлайн падачы заявак 23га студзеня 2016.
 

Больш пра мінулагоднія сустрэчы выпускнікоў можна тут пачытаць і паглядзець.