Афіцыйна: у студзені беспрацоўных стала больш

За студзень 2017 года колькасць афіцыйных беспрацоўных у Беларусі вырасла на 4600 чалавек і склала па стане на 1 лютага каля 39900.

Узровень зарэгістраванага беспрацоўя склаў 0,9%, паведамілі Тэлеграфу ў Міністэрстве працы і сацыяльнай абароны.
Варта адзначыць, што да гэтага колькасць беспрацоўных беларусаў зніжалася з мая 2016 года. У студзені ў цэнтрах занятасці зарэгістраваліся 15,9 тысячы беспрацоўных, што на 5,8% больш, чым год таму.
На кожнага афіцыйнага беспрацоўнага прыходзіцца ў сярэднім 1 вакансія. На 1 лютага наймальнікі заявілі аб наяўнасці 39300 свободных працоўных месцаў, што на 42,4% больш, чым было ў пачатку лютага 2016 года. Попыт на работнікаў па рабочых прафесіях склаў 49,2% ад агульнай колькасці вакансій.
У Мінпрацы адзначылі, што ў Магілёўскай вобласці, Гродзенскай і ў Мінску колькасць беспрацоўных менш, чым колькасць заяўленых наймальнікамі вакансій (0,9, 0,8 і 0,6 беспрацоўных на вакансію адпаведна).
Акрамя таго, у студзені на створаныя працоўныя месцы і якія былі вакансіі пры садзейнічанні службы занятасці працаўладкавана 9,5 тыс. Чалавек, з іх 7,6 тыс. беспрацоўных. На навучанне новай прафесіі накіравалі 308 чалавек. 5 сем'ям беспрацоўных было аказана садзейнічанне ў перасяленні на новае месца жыхарства і работы.
Паводле belaruspartisan.org