«Беларускі партызан» аднавіў працу ў даменнай зоне .by

Сайт «Беларускі партызан», які заблакавала Міністэрства інфармацыі Беларусі, змяніў даменнае імя.

Пра гэта гаворыцца ў звароце выдання.
Каманда сайта піша, што вырашыла вярнуцца ў беларускую даменную зону «by».
«Мы, вядома, маглі некалькі змяніць назву, маглі выкарыстоўваць іншае, але вельмі падобнае даменнае імя. Але мы не жадаем гуляць у дурную гульню «уцякай-даганяй», якую прапануе ўлада, калі без тлумачэння прычын і без усялякага папярэджання блакуе незалежныя інфармацыйныя рэсурсы», – адзначаецца ў звароце.
15 снежня Мінінфарм заблакавала сайт «Беларускі партызан» за «распаўсюд забароненай інфармацыі», пры гэтым не паведаміўшы, якія канкрэтна матэрыялы з апублікаваных на сайце, ставяцца да забароненых да распаўсюджвання.
Каманда сайта прапанавала чытачам падпісацца на Твітэр і Фэйбсук-старонку СМІ, заходзіць на сайт праз браўзер Firefox, выкарыстоўваць сетку віртуальных тунэляў Tor і яго аналагі.
Паводле belsat.eu