Беларускія вайскоўцы адправяцца на вучэнні ў Таджыкістан

Беларускія вайскоўцы возьмуць удзел у вучэннях на палігоне «Харбмайдон» у Таджыкістане 18-23 кастрычніка.

Там пройдуць сумеснае вучэнне з калектыўнымі сіламі аператыўнага рэагавання АДКБ «Узаемадзеянне-2021», спецыяльнае вучэнне з сіламі і сродкамі разведкі «Пошук-2021», спецыяльнае вучэнне з сіламі і сродкамі матэрыяльна-тэхнічнага забеспячэння «Эшалон-2021», паведамляе Міністэрства абароны.

У вучэннях будуць удзельнічаць 256 беларускіх вайскоўцаў і пяць адзінак тэхнікі.

Паводле reform.by.