Чарговы лайфхак кантрабандыстаў. Беларускія цыгарэты везлі ў Літву пад выглядам бетонных блокаў

19 лістапада літоўскія мытнікі перахапілі партыю беларускіх цыгарэт, якія везлі ў Літву праз пункт пропуску «Лаварэшкес».

Пры перасячэнні мяжы кіроўца грузавога аўтамабіля заявіў, што вязе 18 тон бетонных блокаў на адрас кампаніі ў Вільні. Аўтамабіль адправілі на рэнтген, дзе высветлілася, што ў адной з палет была абсталяваная схованка: блокі былі складзеныя толькі па краях, а ў сярэдзіне была ніша для скрынь з цыгарэтамі.

Усяго было канфіскавана 50 тысяч пачкаў цыгарэт «NZ Gold». Іх кошт разам з падаткамі ацэньваецца ў 160 тысяч еўра, паведамляе літоўская мытня.

Пачата расследаванне. Кіроўца, грамадзянін Беларусі, арыштаваны на два месяцы.

Паводле reform.by.