Больш за 300 мігрантаў, якія прыйшлі з боку Беларусі, пакінулі Літву

Літву пакінуў 321 мігрант з ліку тых, хто перасёк мяжу з Беларуссю сёлета, паведамляе МУС краіны.

На мінулым тыдні іракскія дыпламаты з амбасады ў Варшаве наведалі тры літоўскія лагеры мігрантаў. Яны дапамаглі аформіць дакументы для выезду 88 грамадзянам Ірака. 30 з іх ужо адправіліся дадому. Астатнія збіраюцца вярнуцца на працягу двух тыдняў. МУС Літвы сцвярджае, што яшчэ 77 мігрантаў выказалі пажаданне пакінуць Літву.

У краіне дзейнічае праграма па вяртанні мігрантаў. Ім прапануюць 300 еўра і квіткі дадому.

Паводле reform.by.