Джулі Фішэр: ЗША і ЕС ужо хутка ўзмоцняць санкцыйны ціск на Беларусь

Злучаныя Штаты і Еўрапейскі Саюз неўзабаве ўвядуць дадатковыя эканамічныя санкцыі супраць беларускага рэжыму за арганізацыю мігранцкага крызісу на межах ЕС, сказала прызначаная амбасадарка ЗША ў Беларусі Джулі Фішэр.

Паводле Фішэр, Аляксандр Лукашэнка нясе поўную адказнасць за крызіс, у выніку якога мігранты з Блізкага Усходу апынуліся на мяжы Беларусі і краінаў Еўрасаюза, і санкцыі неабходныя, каб Лукашэнка змяніў свае паводзіны.

«Злучаныя Штаты і ЕС разам выразна даюць зразумець, што неўзабаве зробяць санкцыйны ціск мацнейшым», — сказала Джулі Фішэр 22 лістапада на канферэнцыі ў Вашынгтоне.

Чакаецца, што новы пакет санкцый Еўрасаюз абвесціць да 2 снежня.

Паводле «Свабоды».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: