Частку артыкулаў з сайта 1863x.com пакінулі ў статусе экстрэмісцкіх

Мінскі гарадскі суд прызнаў дзевяць артыкулаў з сайта 1863x.com экстрэмісцкімі. 17 красавіка суд адхіліў касацыйную скаргу ўладальніка сайта Эдуарда Пальчыса, а таксама яго адваката.

«Фармальна сайт закрыць нельга. Звычайна павінен быць заблакаваны доступ да саміх матэрыялаў. А тыя артыкулы на сайце даўно прыбраныя. Блакаваць няма чаго. Але ў Беларусі часта ўсё робіцца не паводле закону», — сказаў "Радыё Свабода" Эдуард Пальчыс.
Эдуард Пальчыс пачаў весці свой сайт-блог пад псеўданімам Джон Сільвер. За «экстрэмісцкія» артыкулы правёў 10 месяцаў за кратамі.
25 жніўня 2016 году Цэнтральны суд Мінску прызнаў дзевяць артыкулаў на сайце 1863x экстрэмісцкімі. Абскарджанне падалі 3 лістапада.

www.svaboda.org