Другі дзень запар у «Белавія» паломка самалёта. На гэты раз затрымаўся вылет з Мінска ў Хургаду

Сёння ноччу самалёт «Белавія» з Мінска ў Хургаду павінен быў адправіцца ў 2:25, але вылецеў толькі да 7-й раніцы.

У прэс-службе авіякампаніі пракаментавалі, што была пашкоджана заканцоўка (вінглет) левага паўкрыла, гэта адбылося пасля сутыкнення з тэлетрапам, паведамляе «Onliner».

Нагадаем, што ўчора здарыўся інцыдэнт з самалётам «Мінск — Анталія», які вымушана прызямліўся ў Маскве праз праблемы з рухавіком.

Паводле «Нашай Нівы».