Галоўная рэдактарка ​​і журналістка TUT.BY абвінавачваюцца ў саўдзеле ў нявыплаце падаткаў

Усяго па справе TUT.BY затрыманы 15 чалавек, у тым ліку і супрацоўнікі рэдакцыі, якія па сваёй працы не звязаныя з эканамічнай дзейнасцю кампаніі, выплатай падаткаў і юрыдычнымі аспектамі працы.
Сёння Мінскі гарадскі суд у закрытым рэжыме разгледзеў скаргу на змяшчэнне пад варту галоўнай рэдактаркі TUT.BY Марыны Золатавай і журналісткі партала Алены Талкачовай. Стала вядома, што іх абвінавачваюць у саўдзеле ва ўхіленні ад выплаты падаткаў у асабліва буйным памеры (ч.1 арт. 16 ч.2 арт. 243 КК), санкцыя артыкула прадугледжвае да 5 гадоў «хіміі» ці ад 3 да 7 гадоў пазбаўлення волі.

Суд пакінуў у сіле самую суровую меру стрымання ў выглядзе заключэння пад варту. Зыходзячы з практыкі, можна меркаваць, што яна абраная на два месяцы, затрыманыя знаходзяцца ў СІЗА №1 (т. зв. «Валадарка»).


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: