Глэм-дэкаданс і крыху року: у Мінску выступіў гурт «IAMX» (фотарэпартаж)
У межах музычнага праекту «Клевер. Музыка не для ўсіх» 1 сакавіка ў сталічным клубе «Re:public» выступіў калектыў Крыса Корнэра «IAMX». Як прайшоў адзін з самых эксцэнтрычных канцэртаў за апошні час глядзіце ў нашым фотарэпартажы.
Музыкі адправіліся ў сапраўдны бас-тур. Уся каманда вандруе ў межах туру па Еўропе выключна на аўтобусе. З Мінску калектыў адправіўся ў Кіеў, дзе ўжо сёння дасі чарговы канцэрт.
Пра спецыфіку праекту музыка кажа «калісьці гэта фактычна было маёй публічнай тэрапіяй, але з часам я зразумеў, што бачу ў «IAMX» зброю супраць штодзённай банальнасці і «нармальнага жыцця»».
Грым быў не толькі на музыках, частка фанатаў прышла ў эпатажных касцюмах і загрымаванымі. Нават можна казаць пра другую хвалю папулярнасці глэму.
Светлавыя эфекты былі на вышыні, але падчас канцэрта твар Крыса Конэра добра разглядзець не ўдалося.
Гук таксама быў на вышыні. Асабліва выдатна было чуць спалучэнне барабанаў з электроннай музыкай міды-дыяпазону.
Праект «IAMX» заснаваў былі лідар брытанскага гурта «Sneaker Pimps» Крыс Корнер у 2004 годзе. Жывыя выступы калектыву заўжды вядомыя сваёй экспрэсіўнасць і непрадказальнасцю. Эксцэнтрычны і часта правакацыйны вобраз Крыса Корнера – неад'емная частка выступаў музыкі, а кожны выступ на сцэне не абыходзіцца без эпатажных касцюмаў ды дэкарацый. Праз гэта ўсе выступы «IAMX» ператварваюцца ў шоу са светлавымі эфектамі, тэатральным выступленнем і актыўным узаемадзеяннем з гледачамі. Мінскі канцэрт не стаў выключэннем.
На цяперашні момант на рахунку праекту шэсць студыйных альбомаў, кожны з якіх быў выпушчаны незалежна і спрадзюсаваны Крысам. Апошнюю кружэлку пад назвай «Metanoia» калектыў і прадставіў на ўвагу мінскай публікі. За амаль дзве гадзіны выступу брытанец выканаў 16 кампазіцый.
Фота: Дар’яна Дабранская