Instagram выдаліў старонку дзяржтэлеканала АНТ

Мадэратары сацыяльнай сеткі Instagram выдалілі афіцыйны акаўнт Беларускага дзяржаўнага тэлеканала АНТ. Цяпер, калі паспрабаваць адкрыць яго — напрыклад, перайсці з сайта АНТ, —карыстальнік убачыць толькі надпіс «гэтая старонка недаступная».

Акаўнт «onttvchannel» быў выдалены праз шматлікія скаргі карыстальнікаў-напрыклад, на агрэсіўную прапаганду, недакладную інфармацыю і кантэнт, які распальвае варожасць, паведамляе REFORM.by.

Карыстальнікі, якія правілі скаргі, атрымалі адказ, што іх зварот быў задаволены, і старонка выдаленая з сэрвісу.

Скрыншот у пацверджанне размясціў блогер Антон Матолька.