Казахі паказалі талісман чэмпіянату свету па хакеі, Барыс выглядае пагрозліва

Казахі паказалі талісман чэмпіянату свету па хакеі ў першым дывізіёне.

Гэта снежны барс Барыс. Шчыра кажучы, ён выглядае пагрозліва. Нацыянальная зборная Казахстана з яго падтрымкай будзе змагацца за выхад у эліту. Сярод сапернікаў — беларусы. Дарэчы, гэтыя дзве зборныя 25 красавіка правядуць у Нур-Султане кантрольны матч.
Сусветнае першынство стартуе 29 красавіка. За дзве пуцёўкі ў эліту пазмагаюцца зборныя Беларусі, Казахстана, Літвы, Венгрыі, Славеніі і Паўднёвай Карэі.
Паводле euroradio.fm