Колькі ветэранаў засталося ў Беларусі?

За год колькасць ветэранаў Вялікай Айчыннай вайны, якія пражываюць у Беларусі, на жаль, скарацілася на 1205 чалавек, колькасць непасрэдных удзельнікаў баявых дзеянняў — на 711 чалавек.
Паводле Міністэрства працы і сацыяльнай абароны, сёлетняй вясной у краіне налічваецца 2132 ветэраны ВАВ, з іх усяго 1166 непасрэдных удзельнікаў баявых дзеянняў. Яшчэ прыкладна 10 тысяч — людзі, якія пацярпелі ад наступстваў вайны. З іх пераважная большасць — вязні фашызму.

Па афіцыйнай статыстыцы Мінпрацы, агульная колькасць ветэранаў Вялікай Айчыннай вайны ў Беларусі на 1 красавіка 2021 года складала 3337 чалавек.

Пры гэтым непасрэдных удзельнікаў Вялікай Айчыннай вайны ў Беларусі жылі 1877 чалавек.

Па даных на 1 красавіка 2020 года ў Беларусі ветэранаў ВАВ налічвалася 4806 чалавек, а па даных на 1 красавіка 2019 года — 6250 чалавек.

Мінулай вясной пацярпелых у гады вайны ў Беларусі пражывалі 11 452 чалавекі, вясной 2019 года — 15 194 чалавекі.

За год, які прайшоў з мінулага Дня Перамогі, у Беларусі памерлі два апошнія Героі Савецкага Саюза — Васіль Мічурын і Іван Кустаў.

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: