«Крумкачы» пра затрыманне Івуліна і Пісарэнкі: хлопцам — сілы і стойкасці

Футбольны клуб «Крумкачы», у якім заяўлены ў якасці гульца журналіст Аляксандр Івулін, на сваім сайце выпусціў заяву з нагоды затрымання блогера і яго калегі Яраслава Пісарэнкі.

dsc_0092_1.jpg

— Нападнік «Крумкачоў» Аляксандр Івулін у чацвер адсутнічаў на трэніроўцы каманды, і сувязі з ім не было,гаворыцца ў заяве сталічнага клуба. — Пазней аказалася, што каля 13.00 у кватэру Аляксандра прыйшлі з ператрусам людзі ў цывільным. Івуліна і мантажора праекта «ЧестнОК» Яраслава Пісарэнку павезлі ў невядомым кірунку.

Матывы затрымання, а таксама іх цяперашняе месцазнаходжанне клубу невядомыя.

Жадаем хлопцам сілы і стойкасці, а таксама верым у перамогу справядлівасці.

Зараз журналісты знаходзяцца на Акрэсціна, паведамляе «Трыбуна». Прычыны затрымання пакуль невядомыя.