Лекары ў Францыі вывелі чалавека з вегетатыўнага стану

У Францыі лекарам ўдалося часткова вярнуць прытомнасць чалавеку, які 15 гадоў знаходзіўся ў вегетатыўным стане.

Медыкі правялі курс лячэння 35-гадоваму мужчыну, пацярпеламу ў аўтамабільнай аварыі. Яму імплантавалі ў грудзі стымулятар блукаючага нерва.
Ужо праз месяц ён змог выконваць нескладаныя заданні — напрыклад, паварочваць галаву і сачыць вачыма за аб'ектам.
Эксперты лічаць, што вынікі абнадзейваюць, але неабходна іх паўтарыць. Ёсць верагоднасць, што электрастымуляцыя блукаючага нерва (VNS) можа па-рознаму ўздзейнічаць на людзей з рознымі тыпамі пашкоджанняў мозгу.
Анджэла Сірыгу з Інстытута кагнітыўных навук імя Марка Жанэра ў Ліёне адзначыла, што ў якасці пацыента для правядзення эксперыментальнай тэрапіі быў абраны пацыент ў цяжкім стане.
Блукаючы нерв злучае мозг з многімі іншымі часткамі цела і дапамагае ў падтрыманні працэсаў, у тым ліку падсвядомых і выконваемых аўтаматычна, напрыклад, няспання і пільнасці.
Праз месяц пасля пачатку стымуляцыі блукаючага нерва маці пацыента адзначыла, што сын пачаў даўжэй заставацца ў стане няспання, калі тэрапеўт чытаў яму кнігу.
Кампутарная тамаграфія таксама выявіла паляпшэнні ў мозгу, гаворыцца ў справаздачы часопіса Current Biology.
Ён таксама пачаў рэагаваць на "пагрозу". Напрыклад, калі доктар раптам набліжаўся да яго твару, той здзіўляўся, а яго зрэнкі шырока раскрываліся.
Анджэла Сірыгу сказала: «пластычна аднаўленне мозгу магчыма, нават калі здаецца, што няма ніякай надзеі. Гэта лячэнне дае надзею пацыентам, якія знаходзяцца ў вельмі абмежаванай свядомасці, на тое, што яны атрымаюць магчымасць мець зносіны з навакольным светам».
Супрацоўнік інстытута неўралогіі пры універсітэцкім каледжы Лондана Уладзімір Літвак выказаў стрыманы аптымізм: «Гэта можа быць шматспадзеўна ў будучыні, але я заклікаю з асцярогай ацэньваць высновы, пакуль не з'явяцца вынікі лячэння іншых пацыентаў. Пакуль складана зразумець па адным выпадку, наколькі лячэнне будзе эфектыўным з іншымі пацыентамі».
Вегетатыўны стан выяўляецца ў тым, што чалавек не спіць, не падаючы прыкмет самасвядомасці. Ён можа расплюшчваць вочы, прачынацца і засынаць у рэгулярных інтэрвалах часу; у яго могуць быць базавыя рэфлексы; ён можа самастойна, без старонняй дапамогі рэгуляваць сэрцабіцце і дыханне.
Чалавек у вегетатыўным стане не выяўляе усвядомленай рэакцыі. Напрыклад, ён не можа сачыць вачыма за аб'ектам або рэагаваць на галасы. Таксама ён не выяўляе прыкмет эмацыйных перажыванняў.
Персістуючы вегетатыўным стан вызначаецца, калі ён доўжыцца больш за чатыры тыдні.
Сталы вегетатыўны стан дыягнастуецца пасля трох месяцаў з моманту нетраўматычнага і дванаццаці месяцаў з моманту траўматычнага паражэння мозгу, напрыклад, калі чалавека ўдарылі па галаве.
Калі чалавек знаходзіцца ў пастаянным вегетатыўным стане, верагоднасць аднаўлення вельмі нізкая, але не выключаецца.
Паводле bbc.com