Марына Золатава: Мы больш ніколі і ні за што не пагодзімся быць рабамі

Надзея Мельянец у Фэйсбуку падзялілася паштоўкай, якую атрымала з СІЗА ад галоўнай рэдактаркі Tut.by Марыны Золатавай, піша «Наша Ніва».

«Не сумнявалася, што ў нашай краіны цудоўная будучыня, бо беларус беларусу беларус. За гэты год мы так шмат добрага даведаліся пра сябе, што больш ніколі і ні за што не пагодзімся быць рабамі», — напісала Марына.

Фота з фэйсбука Надзеі Мельянец 

Марына Золатава знаходзіцца за кратамі ад 18 траўня, калі сілавікі прыйшлі ў Tut.by, тады партал быў заблакаваны. Золатаву і яшчэ 14 чалавек, звязаных з кампаніяй, абвінавачваюць ва ўхіленні ад выплаты падаткаў і саўдзеле ў злачынстве.