Мінінфармацыі афіцыйна пацвердзіла блакаванне сайта «Беларускі партызан»
Сайт «Беларускі партызан» атрымаў апавяшчэнне ад Міністэрства інфармацыі пра прычыны блакавання інтэрнэт-рэсурса.
З загада за подпісам першага намесніка міністра Андрэя Кунцэвіча вынікае, што парушэннем прызнаныя тры гіперспасылкі на рэсурсы тэлеканала «Белсат», паведамляе сам «Беларускі партызан».
Раней чыгуначным судом Гомеля сайт і сацсеткі «Белсата» былі прызнаныя экстрэмісцкімі. Забаронены нават лагатып тэлеканала.
Сайт «Беларускі партызан» перастаў адкрывацца 13 верасня. Аднак ён дасяжны для чытачоў праз VPN.