Міністэрства аховы здароўя сцвярджае, што вядзе перамовы аб пастаўцы ў Беларусь заходніх вакцын ад каронавірусу
На сайце petition.by змешчаны адказ Міністэрства аховы здароўя Беларусі на петыцыю, падпісанты якой прапаноўвалі завезці ў краіну вакцыны, прызнаныя ў Еўразвязе і ЗША.
У адказе міністэрства пералічаюцца вакцыны, якія цяпер дазволеныя да выкарыстання ў Беларусі, а таксама сцвярджаецца:
«Адначасова Міністэрствам аховы здароўя сумесна з Міністэрствам замежных спраў, пры падтрымцы ЎрадуРэспублікі Беларусь разглядаюцца розныя варыянты пастаўкі ў краіну вакцын для прафілактыкі каронавіруснай інфекцыі, якая выклікаецца вірусам SARS-Cov-2, вытворчасці фармацэўтычных кампаній BioNTech / Pfizer (ЗША), AstraZeneca (Вялікабрытанія), Moderna (ЗША)...»
Таксама ў адказе сцвярджаецца, што неўзабаве ў Беларусь завязуць і ўхваленую САЗ кітайскую вакцыну Sinofarm.
Расейскія вакцыны па-ранейшаму ў Эўразвязе і ЗША не прызнаныя.
