Мінздароўя абвясціла пра 1348 новых выпадкаў каронавіруса за суткі

За суткі ў Беларусі выявілі 1348 выпадкаў каронавіруса, паведамляе прэс-служба Міністэрства аховы здароўя. З пачатку пандэміі зарэгістравана 715 643 інфікаваных.

З учорашняга дня выпісаны 1531 пацыент. Агулам афіцыйна ачунялі 708 700 чалавек з пацверджаным раней дыягназам, піша REFORM.by.

Па афіцыйных даных, за ўвесь перыяд распаўсюджання інфекцыі ў Беларусі зарэгістравана 5824 смяротныя выпадкі, з якіх 16 зафіксаваныя за мінулыя суткі.

Усяго ў краіне праведзена 11 339 787 тэстаў. З учорашняга дня выканана 21 843 даследаванні.