Мінздароўя: За суткі ў Беларусі захварэлі на COVID-19 1168 чалавек

У Беларусі за суткі выяўленыя 1168 новых выпадкаў COVID-19, паведамляе Міністэрства аховы здароўя. Усяго ж з пачатку пандэміі ў краіне ўжо быў пацверджаны дыягназ у 481 532 пацыентаў.

Выпісаныя за дзень 1026 чалавек. Агульная колькасць ачунялых дасягнула 474 300.

Памерлі яшчэ 12 пацыентаў з выяўленай каронавіруснай інфекцыяй. Усяго Міністэрства аховы здароўя паведамляе пра 3 780 смяротных выпадкаў.

У краіне зрабілі 7,797 млн. тэстаў, у тым ліку за суткі 6 449.

Першую дозу прышчэпкі ад каронавіруса ў Беларусі атрымалі 1,63 млн. чалавек, 1,35 млн. скончылі поўны курс вакцынацыі.