Муза Сяргея Чалага — хто яна? Аналітык рэгулярна згадвае дзяўчыну ў сваіх стрымах

Гледачы стрымаў Сяргея Чалага заўважылі, што ў сваіх выпусках ён часам згадвае «сваю жанчыну», «блізкага чалавека», як яна яму нешта падказала ці абмяркоўвала з ім, распавядае «Наша Ніва».

«Модная барада і акуратная прычоска — заўважная рука клапатлівай і любячай жанчыны», — пішуць людзі ў каментарах.

Пра каго ж размова? Спадарожніцу Чалага завуць Алеся Песенка. Яна працавала журналісткай у раздзеле «Лэдзі» партала TUT.BY, раней была піяршчыцай мінскага кінафестывалю «Лістапад», працавала ў розных арт-арганізацыях.

Разам іх сталі заўважаць з сакавіка. Цяпер пара ва Украіне, у канцы чэрвеня стала вядома, што Сяргей з'ехаў з Беларусі. Нядаўна Алеся і Сяргей наведалі міжнародны кінафестываль у Адэсе.

Тым часам YouTube-канал Чалага набірае папулярнасць: колькасць падпісантаў перавысіла 80 тысяч, кожнае відэа глядзяць 200-300 тысяч карыстальнікаў.