Нацыянальную школу прыгажосці ўзначаліла 22-гадовая юрыстка з Канстытуцыйнай камісіі

22-гадовая юрыстка Бажэна Ярэміч стала дырэктарам Нацыянальнай школы прыгажосці, паведамляе «Еўрарадыё».

Ярэміч нарадзілася 26 жніўня 1999 года. Дзяўчына скончыла юрфак Гродзенскага дзяржаўнага ўніверсітэта, паступіла ў магістратуру і працавала выкладчыкам-стажорам.

У 2020 годзе Ярэміч удзельнічала ў нацыянальным конкурсе прыгажосці «Міс Беларусь». Падчас адборачнага тура Бажэна распавяла, што са школы марыць стаць пракурорам, а натхняе яе Марыя Васілевіч, якая перамагла ў конкурсе прыгажосці і стала дэпутатам парламента.

Ярэміч неаднаразова ўдзельнічала ў мерапрыемствах, дзе прысутнічаў Аляксандр Лукашэнка. Яна ўваходзіць у камісію, якая займаецца распрацоўкай новай рэдакцыі Канстытуцыі.