Незалежным журналістам забаранілі здымаць грамадскае абмеркаванне ў Мінску
Супрацоўнікі міліцыі на чале з кіраўніком Ленінскага РУУС Максімам Свірыдам у чацвер увечары забаранілі незалежным журналістам здымаць грамадскае абмеркаванне і пагражалі выдаліць з залы.
Фота даслалі ў БАЖ Юлія Лабанава і Аляксандр Любянчук
Інцыдэнт адбыўся ў памяшканні сталічнай гімназіі №1, дзе праходзіла грамадскае абмеркаванне будаўніцтва новага гандлёвага цэнтра на вуліцы Малініна.
Супрацоўнікі міліцыі спачатку перапісалі пашпартныя дадзеныя незалежных журналістаў Юліі Лабанавай і Аляксандра Любенчука, а потым забаранілі карэспандэнтам весці здымкі падчас сустрэчы. Міліцыянты заявілі, што ў адваротным выпадку журналістаў выдаляць з памяшкання.
Карэспандэнты расцэньваюць выпадак як наўмысную перашкоду іх прафесійнай працы.
baj.by